صحيت من النوم علي التليفون ( شعر )

[ندعوك للتسجيل في المنتدى أو التعريف بنفسك لمعاينة هذه الصورة]

كتب استاذ مايكل سامي /

ده احد اشعاري الكوميديه اللي كنت كاتبها واتمني انها تحوز اعجابكم

صحيت من النوم علي التليفون كان عمال يرن يرن
ده مش ميزد ولا حتي كول ده المنبه كان بيزن
-----
طفيته وجريت اغسل وشي ولقيت الميه مقطوعه
قولت افطر اعبال ماتيجي .. اتاري امي علي الطابونه ملطوعه
-----
قولت اتسلي واكوي لبسي لحد ماتيجي حاجه من الاتنين
حطيت الفيشة بتاعت الماكوه، وقطعت الكهرباء بعد ثانيتين
-----
لبست ومشيت وبقول يلعن تيت تيت تيت تيت
لبسي مبهدل ، وشي معمص ، وشكلي زي العفاريت
-----
دخلت المكتب والكل باصصلي ، مانا شكلي زي الهاربنين
قميص مكسر وش مكشر شعري واقف زي المجانين
-----
قولت ياميكي متاخدش في بالك شوية والوضع يروق
سيبك منهم وشوف شغلك ، ناس تعبانه وعاوزة تفوق
-----
بشغل الكمبيوتر ملقتش الويندوز ، ودمي ولع زي الحريق
لقيت مديري بيقولي شاطر انت متحول للتحقيق
-----
لبسي مكسر ، وشي مكشر ، ناس بصالي ويندوز محروق
مديري بيزعق وعمال يهزق ويقولي دي شركة مبتقش سوق
-----
جالي مكالمة في نص اليوم من شركة محتاجه لغات
قولت الدنيا هتضحك تاني وياميكي انسي اللي فات
-----
زميلي بيقولي شكلك مبسوط متفرحني ياعم معاك
وايه يعني حرقت الويندوز سيبك منه ياعم فداك
-----
قولتله مهما عملت ياماجد انس انسي انا مش هقول
بطل خبث وحيلة ومكر ده انا واد صاحي مش واكل فول
-----
لوعاوزين يحققوا معايا انا مستعد اسيبلهم مكاني
ده انا الف شركة مقدم فيها وكل الشركات تتمناني
-----
عدت ساعه بعد المكالمة ، رحت لقيت مكالمة كمان
نفس الرقم نفس الراجل ، دي حاجه ولا في الاحلام
-----
لقيت بيقولي معلش يامايكل ده تشابه في الأسماء
مش انت اللي مطلوب ده واحد تاني بس سكرتيري جاله غباء
-----
لبسي مكسر وشي مكشر ناس بصالي بكل غباء
مدير بيزعق ماجد بينهق وتشابه كان في الاسماء
-----
خلص اليوم ، ركبت تاكسي ، وقولتله علي البيت علي طول
مديري رفدني ودموعي علي خدي وبنطلوني كان مبلول
-----
السواق كان ماشي بسرعه ، فرامله سابت مانا منحوس
موت خمسة بسبب السرعه ، وياعيني الوقتي محبوس
-----
انا اغمي عليا من اللي شفته ، ماهو يوم خلاني مدبوح
لقيت واحده بتقولي اصحي لحسن ميعاد شغلك هيروح
-----
اتارييني كنت نايم بحلم ، وصحيت منه اعصابي مفزوعه
خايف ادخل اغسل وشي الاقيها فعلا مقطوعه

[ندعوك للتسجيل في المنتدى أو التعريف بنفسك لمعاينة هذه الصورة]
+++++++
تأليف
ا/ميكل سامي

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههههههههههههههههههههههه
مؤلف روعة وشعر اروع بجد
شكرا ليك يا اندرو

هههههههههههههههههههههههههههههه عجبتك انت يا ميكي دي عشان فيها اسمك

شكرا يا باشا لمرورك

هههههههههههههههه
لا يا حبيبى مش عشان كده ده كان المفروض ازعل عشان اسمى فيها عشان اللى حصلى فى اليوم ده
هههههههههههههه

لبست ومشيت وبقول يلعن تيت تيت تيت تيت

هو الراجل ده معانا هنا ولا ايه؟

هههههههههه

بس بجد تحفة
تسلم ايدك ياأ / مايكل
وميرسي اندرو

هو حلم صعب شويه لكن دمه خفيف تسلم ايدك يا مايكل تسلم ايدك اندرو

هههههههههههه ميرسي ياندرو
بجد جميل جدا
تسلم ايديك يأ/مايكل

ههههههههههههههههههههههههههههههه

الف شكر يا اندرو

شعر دمه خفيف وجمييييييييييييييييل

تسلم ايدك

ربنا معاك ويقويك ويباركك

» تعالوا شوفوا البنات بيحبوا في التليفون ازاي ؟؟؟ ( موضوع سري )
» قصة دبدوب للأطفال * قبل النوم*
» موسيقي لعشاق النوم والاسترخاء Midori - Sleep